tag:blogger.com,1999:blog-79780488507425047972011-04-21T14:06:40.163-07:00Aled G Jhttp://www.blogger.com/profile/13829275762888819617noreply@blogger.comBlogger21100tag:blogger.com,1999:blog-7978048850742504797.post-44766579536474350602009-02-01T06:26:00.000-08:002009-02-01T07:23:03.767-08:00Fel cenedlaetholwr Cymreig, mae'n debyg mod i fel llawer i un arall wedi llyncu'r mantra hynny sydd wedi'i hyrwyddo'n gyson gan y mudiad cenedlaethol dros y blynyddoedd. Hynny yw bod Ewrop yn cynnig gobaith newydd i genhedloedd bychain a'i fod yn ein hanes ni yma yng Nghymru yn rhoi cyfle i wanio gafael San Steffan a'r model Brydeinig dros ein bywydau. Roedd canoli grym ym Mrussel felly yn rhywbeth i'w groesawu a'i gofleidio. Tydwi ddim mor siwr erbyn hyn. Mae'n ymddangos imi bod Ewrop wedi esgor ar elite llywodraethol sydd yr un fath yn union a'r elite llywodraethol sydd wedi ein rheoli o Lundain ers canrifoedd, ac mai'r un gwerthoedd top-down biwrocrataidd sydd yn teyrnasu yno hefyd. Mae'r arweinwyr yn dweud wrthym mai integreiddio Ewropeaidd ar lefel wleidyddol sydd wedi rhwystro rhyfela mawr yn Ewrop ers yr ail ryfel byd a bod angen symud yr integreiddio hyn ymlaen ymhellach.<br /><br />Yn anffodus, mae'n ymddangos mai pwrpas arall fu creu clwb gwleidyddol newydd gyda'u strwythur gyrfaol newydd ar gyfer arweinwyr a chyn-arweinyddion gwladwriaethau mawrion.Mae hanes y Kinnockiaid, y fam a'r tad a'r ddau o blant yn enghraifft berffaith o hynny wrth gwrs. Mi faswn i'n dadlau mai ar lefel arall y mae'r hynny o integreiddio ewropeaidd a welwyd ers yr ail ryfel byd wedi digwydd go iawn a hynny ar lefel ddiwylliannol a chymdeithasol wrth i fwy o bobl deithio o gwmpas y cyfandir a dod i adnabod gwledydd a diwylliannau newydd a phobl yn y llefydd hyn. Beth sydd ar goll ydi bod y bobl hynny ddim wedi bod yn rhan o'r broses i lunio'r integreiddio economaidd naturiol allai fod wedi dilyn yn naturiol o'r cysylltiadau diwylliannol a chymdeithasol. Yr Elites llywodraethol sydd wedi bod yn gyfrifol am hynny, ac mae eu polisiau hwy wedi creu ac yn dal i greu problemau mawr i bob rhan o Ewrop.Wrth fynnu ar integreiddio gwleidyddol gyntaf uwchlaw popeth, mae gynno ni sefyllfa sydd yn gwbl anwastad ac anghynaladwy, gydag ambell i economi gref yn gorfod dilyn yr un patrwm a'r un rheolau a'r PIGS bondigrybwyll( Portiwgal, Eidal, Groeg) sef yr economiau gwannaf , gydag Iwerddon a Phrydain hefyd bellach yn curo ar ddrws y cwt. Mae grym y gwladwriaethau unigol hyn i greu atebion eu hunain ac i addasu polisiau economaidd i weddu eu sefyllfaoedd eu hunain wedi diflannu i bob pwrpas. Sut all hynny fod yn llesol yn y pendraw?<br /><br />Sy'n dod a ni at y protestiadau presennol gan y gweithwyr olew. Mae rhai o'r farn mai casineb at dramorwyr sydd wrth wraidd y brotest ond mae mwy iddi na hynny. Cwmni o'r Eidal enillodd y tendr am y gwaith ac o dan reolau'r GE mae ganddyn nhw'r hawl i ddod a gweithwyr i mewn o unrhyw le. A be mae cwmniau fel hyn yn bownd o wneud? Wel, dod a gweithwyr i mewn sy'n barod i weithio am gyflogau is gan barhau a dwysau'r model neo-ryddfrydol hyn sydd wedi ei chofleidio gan y GE a chreu llawer o'n problemau cyfoes ni. Pe bai yna gymalau ynghylch cynnal lefel cyflogau neu sicrhau bod canran bendant o weithwyr lleol yn cael eu cyflogi ar brosiectau fel hyn, efallai na fyddai cymaint o broblemau yn bodoli. Ond wrth gwrs does dim ffasiwn gymalau yn bod yn y model.<br /><br />Mae digwyddiadau fel hyn a phrotestiadau tebyg i'r un a gafwyd gan y gweithwyr olew yn siwr o gryfhau sefyllfa'r BNP ac UKIP gan fod Llafur/Ceidwadwyr i'w weld mor ddiymadferth ynghylch Ewrop a'r model ewropeaidd sydd ar waith. Yn reddfol, mae'n siwr na fyddai cenedlaetholwyr Cymreig am weld y BNP yn elwa, ond tybed a fyddai cynnydd ym mhoblogrwydd UKIP yn beth mor ddrwg a hynny? Wedi'r cwbl, yr hyn y mae UKIP yn alw amdano bellach ydi creu seneddau sofran yn Lloegr, Cymru, Yr Alban ac Iwerddon a chreu ffederaliaeth Brydeinig fyddai'n optio allan o'r GE wleidyddol ond yn parhau i fasnachu ac i gyd-weithredu hefo cyfandir Ewrop. I'r rhai ohonom sydd am weld grym yn cael ei gadw mor leol a phosib, siawns bod hynny'n gwneud synnwyr, waeth bwy sydd yn ei hyrwyddo. Yr eironi i genedlaetholwyr Cymreig bellach ydi y gallai cynnydd yn y gefnogaeth i UKIP fod yn help nid yn rhwystr wrth geisio chwalu'r model gwleidyddol Brydeinig bresennol. Rhyfedd o fyd.<div class="blogger-post-footer"><img width='1' height='1' src='https://blogger.googleusercontent.com/tracker/7978048850742504797-4476657953647435060?l=blogtyni.blogspot.com' alt='' /></div>Aled G Jhttp://www.blogger.com/profile/13829275762888819617noreply@blogger.com0tag:blogger.com,1999:blog-7978048850742504797.post-75655146050476192132009-01-30T06:49:00.000-08:002009-01-30T07:15:26.617-08:00Fory( Dydd Sadwrn) bydd Cwmni Dyddiol Cyf. yn cyfarfod yn Aberystwyth i benderfynu beth y dylid ei wneud hefo'r cwmni wedi penderfyniad y Glymblaid i beidio ag ariannu Y Byd.<br /><br />Dwi'n mawr obeithio y bydd y cyfran-ddalwyr yn penderfynu i ddal ati i gynnal y freuddwyd o bapur dyddiol Cymraeg, ond dwi'n meddwl mai'r cam cyntaf ar gyfer gwneud hynny ydi cydnabod ei bod hi'n amen ar Y Byd. Er mod i'n un o'r rhai hynny oedd yn frwd iawn dros weld Y Byd yn ymddangos, gyda synnwyr trannoeth roedd yna resymau digon dilys dros wrthod y syniad arbennig hwn. Roedd y marchnata ei hun yn druenus iawn,ac fe gollwyd llawer o fomentwm yn dilyn y cyfres o ddydiadau lawnsio gwahanol a nodwyd ac a newidwyd. Hercian mynd oedd Y Byd erbyn y diwedd yn hytrach na charlamu tuag at y llinell derfyn. Bron nad oedd rywun yn gweld Rhodri Glyn fel fet a benderfynodd ei bod hi'n hwyr glas rhoi diwedd ar ddioddefaint yr anifail anwes arbennig hwn.<br /><br /> Ar ben hynny roedd yr amseriad hefyd yn anffodus a bod yn berffaith onest. Doedd Plaid Cymru ddim am weld y posibilrwydd o un o'u mesurau llywodraethol cyntaf yn methu gan y byddai hynny wedi bod yn ergyd fawr i'w hygrededd fel plaid reolaethol. Ond, fe all 2011 ac etholiadau'r Cynulliad y flwyddyn honno fod yn adeg mwy priodol a ffafriol ar gyfer lawnsio papur dyddiol Cymraeg. Mae'n bur debyg y bydd PC wedi bod yn rhannu grym ers 4 blynedd erbyn hynny, ac y bydd ganddyn nhw fwy o gynrychiolaeth yn y senedd. Bydd Llafur ar y llaw arall yn dipyn gwannach o ystyried y chwalfa etholiadol sydd yn siwr o ddod i'w rhan nhw ar lefel Brydeinig yn 2010: efallai'n wir mai nid clymbleidio hefo nhw y bydd PC yn 2011. Bydd hi'n dipyn haws i wneud yr achos dros gyflwyno papur dyddiol Cymraeg mewn amgylchiadau felly.<br /><br />Sut fath o bapur felly? Wel, mi hoffwn i weld Cwmni Dyddiol yn mynd am opsiwn newydd, sef papur hybrid allai apelio at ddysgwyr Cymraeg da a Chymry Cymraeg fel ei gilydd. Dwi'n meddwl byddai modd creu arddull sgwrsiog, fywiog, agos atach chi fyddai'n gallu apelio at y naill garfan a'r llall. Byddai'n rhaid anghofio am bapur uchelael ar gyfer yr AB1's bondigrybwyll a chreu papur mwy cyrraeddadwy a darllenadwy. Fyddai hynny ddim yn golygu gostwng safonau, ond byddai'n gyfle i greu arddull newyddiadurol Cymraeg newydd sy'n adlewyrchu y Gymru sydd ohoni.<br /><br />Yn wleidyddol hefyd, dwi'n meddwl y byddai'n haws gwerthu syniad fel hyn ar lefel Genedlaethol dros y 2 flynedd nesaf sy'n arwain i fyny at etholiadau cynulliad 2011. Mi oedd yna bryderon mai dysgu pader wrth berson fyddai'r Byd- wedi'i anelu at garfan fach o bobl ac na fyddai'n ehangu gorwelion y Gymraeg yn ddigonol. Byddai papur newydd fyddai'n anelu at gynulleidfa sy'n cynnwys cymry cymraeg a dysgwyr da yn ymddangos yn llawer mwy cynhwysol ac ymestynol ac mi fyddai hynny'n bwysig iawn o ran ennyn cefnogaeth wleidyddol traws bleidiol.<br /><br />Pe bai cwmni Dyddiol yn penderfynu dal ati fory, byddai 2 flynedd ar gael er mwyn cyflwyno'r achos dros bapur o'r fath. Hen ddigon o amser ddudwn i!<div class="blogger-post-footer"><img width='1' height='1' src='https://blogger.googleusercontent.com/tracker/7978048850742504797-7565514605047619213?l=blogtyni.blogspot.com' alt='' /></div>Aled G Jhttp://www.blogger.com/profile/13829275762888819617noreply@blogger.com0